عيلة غريبة اوىىىىىىىى

العيله دي غريبه بشكل..ساعات بيكون بيتها كبيييير وساعات بيكون صغييير على حسب صاحب المكان وامكانياته وظروفه..فالعيلة دي مكونه من الجد وهو ضخم كبيير ساعات بيكون اخضر غامق وساعات اخضر فاتح ولما بيكون بصحته وبياخد حاجات تقويه على العيشه تلاقيه تختوخه ومدوره ولما بيكون غلبان مريض تلاقيه
نحيف وطويل...الجد ده اللي هو البطيخ ومعظم الاحيان تلاقيه وحده عايش بعيد عن العيله ممكن يكون زهق منهم؟؟؟احتمال

مراته بقى اللي هيى الجدة تلاقيها غلبانه جنبه لاقد مستواه ولاضخامته ساعات تكون مدوره وساعات تكون عريضه ..بس مراته بحق نفس الجلد والصلابه والقوه..وهي
الشمام او الكانتلوب او الخربز وديما تلاقيها جنب جوزها او عند عيالها

ابنها بقى ايه مدور وواخد في نفسه قلم ممكن علشان لونه برتقالي وتحس انه له مكانه وديما بتشوفه في كل الفصول وتلاقي مراته تفاحه جنبه على طوووول عامله كل حاجه علشان ترضيه فساعات بتكون حمرا وساعات صفرا وساعات خضرا حتى لما خلفت خلفت واحد زيه وسمته يوسف افندي او يستفندي لونه زي ابوه برتقالي ولما امه تزعل من ابوه ساعات بيكون لونه احمر زي امه وتلاقيه ديما اما موجود جنب ابوه او امه

في بقى اللي ديما بيكون فوقهم وديما ببص عليهم ويعاكس في البت فراولة الحمرا ام نمش في وشها وهو ياعيني متعلق فوق وطويل واصفر ومش بايده حاجه يعملها الا انه واقف مع اصحابه اللي زيه

اما بقى بيجيلهم زوار في بعض الفصول بيقعدو معاهم شهور وبيمشو وهما: واحد ومرانه هو لونه اصفر مايل للبرتقالي الفاتح ولما بيكون "ني" او مريض بيكون وحش ومراته لونها عنابي ساعات بتزعل وبتخرب على طوول وبينزل عرق من جسمها وديما تلاقيهم مع بعض

وفي زوار تانييين بيجو في فصول تانيه ياسبحان الله نفس التناحه والرسمه والشكل وكل حاجه باين عليهم اصحاب اوي ..بس وحده ناشفه وساعات طريه لونها اخضر او اصفر مخضر ووحده مايعه وطريه اوي وجواها حبوب وعليها ريحه ياسلام ولونها اصفر اصفر

في بقى مجموعه ياعيني عليهم ديما مربوطين ببعض نايمين في حضن بعض محدش يعرف يتحرك وحده..منهم الاحمر والاصفر ولاخضر وفي المدور وفي البيضاوي ..بس ايه ملهمش دعوه بحد باين عليهم غلابة المكان ...لو اكلت منه وحده مابتحسش الا وانت مخلص على المجوعه كلها ياعيني حتى انت ظالمهم وحاكم الفرد بالجماعه ياعني لا كله لا بلاش

أما بقى ملكة المكان وديما بيكون لها جناح خاص ومتتوصفش حلاوة ايه وطعامة ايه وفخامة ايه والوانها تريح العين وملمسها ياعيني على النعومه فمنها الاصفر ومنها
الاخضر ولا ريحتها!! تغطي على المكان بأكمله..وديما وحديها ماهي مش زيها زي ولاحد يقدر يبصلها

مش عيلة غريبه بجد...صحيح عايشين مع بعض..بس لكل واحد مستواه وكل واحد عنده العيشه اللي بحبها ويرتاح لها..صحيح بخافو على بعض وبيزعلو على بعض لما يلاقو فجأه مجموعه اختفت من جنبهم بس على امل ان يشوفوهم تاني ..حتى تجتمع العيلة ويكونو ايد وحده مع بعض على طوووول..ومش هتفرق معاهم المكان سواء صغير او كبييير المهم انهم مع بعض

ياترى عارفين ايه هي الفواكه اللي انا وصفتها ومش ذكرت اسمها؟؟؟؟